Lajmet e fundit
Stina e verës sjell më pranë pushimet, relaksin dhe argëtimin, por nuk është kështu për të gjithë.
Studime të ndryshme kanë arritur në përfundimin se temperaturat e larta, zgjatja e ditës, pushimet jo mjaftueshmërisht të gjata, ndikojnë negativisht në gjendjen shpirtërore të shumë njerëzve.
Një grup studiuesish europianë, pas një studimi të kryer pak kohë më parë, arritën në përfundimin se në gjendjen psikologjike të njerëzve ndikojnë gjashtë faktorë të ndryshëm si, temperatura, era, rrezet e diellit, reshjet, presioni i ajrit dhe kohëzgjatja e ditës, transmeton Klan Kosova.
Kjo ndjesi e krijuar prej stinës, që në psikologji njihet si “S.A.D” (Seasonal Affective Disorder. Shqetësime ndjesore sezonale), shfaqet më së shumti në fillim të stinës, pasi trupi i njeriut e ka më të vështirë përshtatjen.
Njerëzit të cilët ekspozohen jo mjaftueshëm në diell mund të përjetojnë edhe ndjesi depresioni, ndërsa ata që ekspozohen mjaftueshëm mund të ndjehen të lumtur.
Por, asnjeherë nuk duhet të marrim për të mirëqenë lidhjen e motit dhe humorin tonë.
