Steve Scalise është zgjedhja e republikanëve për të qenë kryetar i Dhomës së Përfaqësuesve

Republikanët kanë zgjedhur Steve Scalise si kandidatin e tyre për të qenë kryetari i ri i Dhomës së Përfaqësuesve pas një votimi të fshehtë.

Ai mundi kandidatin tjetër, Jim Jordan, me 113 vota, kundër 99, në një takim me dyer të mbyllura në Kapitolin e SHBA.

Kryetari është një nga postet më të rëndësishme në qeverinë amerikane, duke drejtuar dhomën e ulët të Kongresit.

Tani do të ketë një votim të plotë të Dhomës së Përfaqësuesve ku kërkohet një shumicë e thjeshtë votash me 217, për të fituar detyrën.

Kevin McCarthy u rrëzua nga posti pasi anëtarët e partisë së djathtë u revoltuan dhe e larguan atë, një veprim i paprecedentë në politikën amerikane.

Duke folur me gazetarët pas takimit, Scalise tha se plotësimi i rolit të Kryetarit ishte jetik në një "botë gjithnjë e më të rrezikshme", shkruan BBC, transmeton Klankosova.tv.