Starmer thotë se do të bëjë gjithçka që mundet për të ndihmuar në hapjen e Ngushticës së Hormuzit

Kryeministri britanik, Keir Starmer sapo ka mbërritur në Pallatin Élysée në Paris, dhe pak çaste para se të takohej me Emmanuel Macron, Starmer këmbënguli se do të “bënte gjithçka që mundej” për të lehtësuar ndikimin e luftës së Iranit tek publiku dhe për të rihapur Ngushticën e Hormuzit.

Duke folur me gazetarët në, Starmer tha: “Është shumë e rëndësishme që të ndërtojmë një koalicion vendesh rreth parimit që armëpushimi duhet të jetë i përhershëm, duhet të ketë një marrëveshje dhe që Ngushtica e Hormuzit të jetë e hapur", shkruan BBC, transmeton Klankosova.tv. 

"Është në interesin e të gjithëve ta bëjmë këtë, sepse ajo që po ndodh në luftën në Iran po ndikon në ekonominë e secilës prej nesh. Kjo është arsyeja pse vendet po bashkohen."

"Të gjithë e kanë të qartë se që kjo të ndodhë, na duhet një degë diplomatike dhe politike, na duhet një degë logjistike dhe ekonomike, dhe na duhet një planifikim ushtarak, dhe kjo është ajo që po bashkohemi për të bërë sot."

Këtë pasdite, Starmer dhe Macron po kryesojnë një takim virtual me rreth 40 vende, që synon krijimin e një misioni shumëpalësh për të rivendosur kalimin e sigurt të anijeve përmes Ngushticës së Hormuzit.