Lajmet e fundit
Stafi i Agjencisë së Kombeve të Bashkuara për Ndihmën dhe Punën për Refugjatët Palestinë në Lindjen e Afërt (UNRWA) në Gaza ndihet "i braktisur nga komuniteti ndërkombëtar" pasi Shtetet e Bashkuara vendosën veton ndaj një rezolute që bën thirrje për një armëpushim të menjëhershëm në Gaza javën e kaluar, tha shefi i UNRWA, Philippe Lazzarini.
“Është përtej zhgënjimit. Ata ndihen të braktisur nga komuniteti ndërkombëtar”, tha Lazzarini për CNN. “Ata ende nuk mund ta kuptojnë pse, pasi janë vrarë 17 mijë njerëz, pasi pothuajse e gjithë popullata është zhvendosur, ne ende nuk mund të biem dakord për një armëpushim”.
Shefi i UNRWA tha se stafi i tij ndjeu "zhgënjim të thellë dhe zemërim" për dështimin e OKB-së për të miratuar rezolutën, duke shtuar se sistemi në Gaza "është në buzë të një kolapsi", raporton CNN, transmeton Klankosova.tv.
Gaza është "shumë afër" për të parë "një prishje të rendit civil", i cili nuk do ta lejojë agjencinë të funksionojë më, tha ai, duke vënë në dukje se si disa civilë të dëshpëruar në Gaza janë drejtuar drejt plaçkitjes së depove.
“Shumë njerëz nuk kanë ngrënë tani për dy, tre ditë në Rripin e Gazës,” vazhdoi Lazzarini. “Sa më shumë që do të shohim prishje të rendit civil, aq më shumë UNRWA do të rrezikohet të mos jetë në gjendje të operojë më”.
