“S'punojnë, s'e meritojnë ta udhëheqin vendin”, Sadiku i ashpër ndaj qeverisë në detyrë (VIDEO)

Ermal Sadiku nga LDK i cili ka fituar votat edhe për një mandat në Kuvend ka kritikuar ashpër Qeverinë në detyrë, duke e akuzuar për mungesë të punës dhe vizionit zhvillimor. Ai në emisionin “Edicionin Special” në Klan Kosova, tha se problemi i tij këtë pushtet është thelbësor dhe lidhet me performancë.

“Unë problemin me ta e kam thelbësorë në punë dhe në zhvillim, nuk janë duke punuar, nuk kanë punuar, nuk e meritojnë ta udhëheqin një vend, sepse nuk kanë ditur ta udhëheqin”, tha ai.

Sadiku akuzoi ekzekutivin në detyrë se investimet i ka orientuar sipas tij në projekte me qëllime elektorale dhe jo zhvillimore.

“Kanë shkuar kanë bërë investime për me rregullu një rrugë me një vend që mund t’i marrin disa vota, kanë shkuar kanë bërë një projekt ku mund të bëjnë ndonjë spektakël”, deklaroi ai./Klankosova.tv