Një spital në qytetin jugor të Indisë, Kerala është gjobitur me afërsisht 37,000 dollarë, pasi që ka përzier dy trupa të vdekur gjatë procesit të kremimit (djegja e trupit për t’u bërë hi), transmeton Klan Kosova.
Kur vajzat e të ndjerit Purushothaman, janë paraqitur për të marrë trupin e babait të tyre, atyre iu janë dhënë, mbetjet e trupit të një njeriu tjetër, Kanthy.
Megjithatë spitali, Ernakulam Medical Centre, ka insistuar që hiri ka qenë i personit të duhur.
Më vonë është kuptuar që trupi i babait të tyre veçse iu ishte dhënë familjarëve të Kanthy, dhe se ishte kremuar.
Të dy personat kishin vdekur në një ditë brenda një periudhe 24 orëshe.
●●●
ASHKRIMI NGA
A.B
Editorial nga Klan Kosova — ndjek lajme dhe zhvillimet e tjera kryesore të vendit.
