Spektakël 3:3 në Barcelonë, por fituesi mësohet në Milano

Barcelona dhe Interi janë ndarë baras 3:3 pas një ndeshje të mrekullueshme në gjysmëfinalen e Ligës së Kampionëve. Zikaltrit e nisën si është më mirë me dy golat e Marcus Thuram dhe Denzel Dumfries në minutat 1' dhe 21'. Barcelona u kthye në lojë me golat e Lamine Yamal, 24', dhe Ferran Torres, 38', e kështu u mbyll pjesa e parë. Në pjesën e dytë, Denzel Dumfries doli edhe një herë në skenë, dhe ktheu epërsinë e Interit me golin me kokë në minutën e 64-t. Por, një autogol i portierit Yan Sommer pas predhës së Raphinhës u përkujdes që loja të mbarojë 3:3. Javën e ardhshme zhvillohet ndeshja e kthimit në Milano, ku mbetet të mësohet fituesi nga dy gjigantët evropianë.