Lajmet e fundit
Social Demokratët në pushtet në Gjermani e bënë zyrtarisht kancelarin Olaf Scholz si kandidatin e tyre kryesor për zgjedhjet e shkurtit.
Ministri i Mbrojtjes Popullore Boris Pistorius e përjashtoi veten nga kandidimi të enjten e kaluar, duke i dhënë fund spekulimeve disa javëshe nëse ai duhet të udhëheqë SPD-në në zgjedhje në vend të Scholzit.
Komiteti ekzekutiv i partisë së SPD-së së qendrës së majtë votoi njëzëri për Scholzin si kandidat për kancelar, duke e lejuar atë të kandidojë për një mandat të dytë, pavarësisht se mbikëqyri kolapsin e koalicionit të tij trepalësh në fillim të këtij muaji.
Në fjalimin e tij, Scholz përshkroi pikat kryesore për fushatën e tij zgjedhore: sigurimin e paqes duke mbështetur me kujdes Ukrainën kundër pushtimit në shkallë të plotë të Rusisë, ringjalljen e ekonomisë si dhe zbutjen e krizën së kostos së jetesës, raporton Reuters, transmeton Klankosova.tv.
Scholz, kancelari më pak popullor në Gjermani që nga ribashkimi në vitin 1990, ka një betejë të vështirë përpara tij nëse dëshiron të fitojë zgjedhjet, të cilat pritet të zhvillohen më 23 shkurt.
SPD e tij aktualisht është në vend të tretë. Një sondazh nga anketuesi INSA i publikuar të shtunën e vendosi partinë me 14% pas konservatorëve të opozitës me 32% dhe ekstremin e djathtë “Alternativa për Gjermaninë” me 19%, transmeton Klankosova.tv.
