Sot vendoset kompozicioni skulptural “Hasjanja” në sheshin “Zahir Pajaziti”

Në sheshin "Zahir Pajaziti" të kryeqytetit të shtunën do të vendoset kompozicionit skulptural “Hasjanja” e akademikut Luan Mulliqi. Në këtë ngjarje do të merr pjesë edhe ministrja e Kulturës, Vlora Dumoshi, njofton Klan Kosova. Skulpturat e Mulliqit janë dëshmi e trashëgimisë kulturore që shpalosin veshjen unike të Hasit të Prizrenit. Para dy vjetësh, Mulliqi ekspozoi rreth 40 skulptura në galerinë e Hamamit të Prizrenit. Vetë artisti në këtë ekspozitë kishte thënë se skulpturat e tilla janë prezantuar në shumë vende të botës, por se më së miri rrinë në vendin e tyre. Të tillat nga sot do të qëndrojnë edhe në sheshin kryesor të Prishtinës.