Lajmet e fundit
Sot, më 2 janar, në Varrezat e Dragodanit do të varroset ish-kryetari i Kuvendit të Kosovës, Nexhat Daci.
Ceremonitë mortore do të zhvillohen sipas një agjende zyrtare të bërë publike nga familja Daci.
Homazhet për të ndjerin do të mbahen nga ora 09:00 deri në 11:45 në hollin e Kuvendit të Kosovës.
Më pas, nga ora 12:00 deri në 12:45, në Sallën Plenare të Kuvendit do të organizohet Akademia Përkujtimore, përcjell Klankosova.tv.
Varrimi me nderime shtetërore do të mbahet nga ora 13:40 deri në 14:20 në Varrezat e Dragodanit.
"Familja Daci falënderon të gjithë qytetarët, miqtë dhe dashamirët për ngushëllimet dhe respektin e treguar në këto momente zie. E pamja do të mbahet nga data 03 deri më 05 janar, në Hotel Sirius, nga ora 10:00 – 17:00. I përjetshëm qoftë kujtimi për të", shkruhet në njoftimin familjar./Klankosova.tv https://klankosova.tv/kush-ishte-nexhat-daci-jeta-dhe-veprimtaria-e-akademikut-qe-udhehoqi-parlamentin-11/
