Sot promovohet libri “Drejt Dritës” nga Bernard Nikaj dhe Kimete Mitrovica

Promovimi i libri “Drejt Dritës” nga Kimete Mitrovica dhe Bernard Nikaj do të promovohet sonte, në orën 18:00, në librarinë “Dukagjini” në Prishtinë. Për të diskutuar rreth librit, në panel do të jenë Bernard Nikaj, Kimete Mitrovica, Lura Pollozhani Libri "Drejt Dritës" është një rrëfim reflektues mbi jetën e Kimete Mitrovicës në sfondin më të gjerë të mërgimit shqiptar, të represionit politik dhe luftës së gjatë për dinjitet dhe përkatësi. I ndërtuar përmes një sërë bisedash të përpunuara me kujdes, libri ndërthur kujtesën personale me historinë kolektive, duke ofruar një dëshmi të rrallë në vetën e parë për mërgimin jo vetëm si zhvendosje fizike, por si një proces jetësor i formimit të identitetit. E lindur në një familje të formësuar nga kontributi kombëtar dhe përndjekja politike, jeta e Kimetes shpaloset përtej kufijve dhe sistemeve politike, nga trauma e ndarjes së detyruar dhe e mërgimit, deri te qëndrueshmëria e heshtur e rindërtimit të jetës në vende të huaja. Duke sjellë kujtesën personale në dialog me historinë, ky libër u ofron lexuesve një rrëfim njerëzor mbi mërgimin - një rrëfim që shkon përtej traumës./Klankosova.tv