Sot mësohen gjysmëfinalistët e Europa League

Sonte me fillim nga ora 21:00 do të luhen ndeshjet e dyta të çerekfinales në Europa League. Katër skuadra do ta zënë një vend në gjysmëfinalen e garës së dytë më të rëndësishme për klube. Athletic Bilbao do të jetë përballë Glasgow Rangers së Nedim Bajramit. Loja e parë mes tyre u mbyll 0:0 dhe tani gjithçka mbetet e hapur në këtë sfidë. Një sfidë tjetër interesante do të jetë edhe ajo mes të Eintracht Frankfurtit dhe Tottenham Hotspurs. Përballja e parë mes tyre, mbaroi 1:1 dhe do të jetë goxha interesante të shohim se cila prej tyre do të ecë tutje drejt gjysmëfinales. Aspak e lehtë nuk do të jetë për Lazion të cilët do të ballafaqohen me Bodo Glimt. Romakët e humbën ndeshjen e parë me norvegjezët me rezultat 2:0. Derisa vëmendja e mbrëmjes do të jetë në "Old Trafford", ku Manchester United do të sfidohet nga Lyon. "Djajtë e kuq" barazuan 2:2 me francezët në ndeshjen e parë dhe kështu mbetet të shihet se cila nga këto dy skuadra do të avancojë tutje. Ndeshjet e Europa League transmetohen drejtpërdrejt dhe eksluzivisht në platformën më të madhe televizive, Artmotion.