Lajmet e fundit
23 korriku i vitit 1960-të shënon një datë të rëndësishme për futbollin kosovar dhe jo vetëm.
Në këtë ditë në Podujevë, lindi Fadil Vokrri, njeriu që do shndërrohej në ikonë të futbollit kosovar.
Ai nisi herët të merrej me futboll, qysh në moshën 15-vjeçare.
Dy vjet më pas, debutoi si 17-vjeçar për Llapin.
Më pas në vitin 1980 kaloi tek Klubi i Futbollit “Prishtina”, ku luajti 84 ndeshje dhe shënoi 33 gola me këtë skuadër në Ligën e Dytë, kurse në Ligën e Parë të Jugosllavisë në fanellën e Prishtinës pati 88 paraqitje dhe realizoi 22 gola.
Për 9-shin e famshëm, periudha e viteve të 80-ta ishte e artë.
Fadil Vokrri, zhvilloi edhe një karrierë të bujshme ndërkombëtare.
Periudha e ndritur për futbollin kosovar, lidhet ngusht me emrin e Fadil Vokrrit.
Ai pati rol të fuqishëm në afirmimin e futbollit të Kosovës në arenën ndërkombëtare.
Me të në krye të Federatës së Futbollit, Kosova arriti të shënojë histori, duke u antarësur në instancat kryesore të këtij sporti.
Në vitin 2016-të, Kosova u bë anëtare në FIFA dhe UEFA.
Vokrri vdiq paprimtas më 9 qershor 2018-të, ende pa i mbushur 58 vjet, duke lënë një mungesë të madhe tek komuniteti i futbollit në Kosovë dhe më gjerë.
