Sonte vijnë "Burrneshat"

 

Në ditën e Evropës, filmi do të shfaqet në mbrëmje në orën 21.00 në sheshin Zahir Pajaziti në kinema në qiell të hapur ndërsa mbrëmë u shfaq filmi " Ida" që mblodhi 500 shikues.

Përfaqësuesi Special i Bashkimit Europian në Kosovë ishte prezent dje në debatin per filmin si mjet i diplomacisë kulturore organizuar nga PriFest dhe Zyra e BE në Kosovë në EUICC, si dhe në hapjen e kinemasë para shfaqjes së filmit polak IDA.

"Kinemaja është shumë e rëndësishme për të gjithë ne dhe unë jam i lumtur që këtë vit po e shënojmë Ditën e Evropës me aktivitete të tilla. Kam dy mesazhe për të dhënë, PriFest duhet të kthehet në shtëpinë e vet, dhe Ministria e Kulturës duhet t'i kushtojë rëndësi ruajtjes dhe zhvillimit të aktiviteteve të rëndësishme kulturore për vendin”, tha Zhbogar.

Me filmin "Burrneshat" në Kosovë vijnë edhe një pjesë e aktorëve së bashku me kastin kosovar të këtij filmi .