Sonte Vëllaznimi kërkon barazimin e serive, Prishtina kualifikimin në gjysmëfinale

Palestra “Shani Nushi” në Gjakovë nga ora 19:00 do të jetë nikoqire e çerekfinales së dytë të Play-Offit mes Vëllaznimit dhe Prishtinës. Vëllaznimi kërkon barazimin e serive, pas humbjes që e pësoi në “Pallatin e Rinisë dhe Sporteve” tri ditë më parë me rezultat 71:69. Në rast se Vëllaznimi e fiton këtë ndeshje, atëherë skuadrat duhet ta luajnë edhe një ndeshje për ta mësuar gjysmëfinalistin, ndërsa nëse Prishtina arrin ta përsëris suksesin e tri ditëve më parë, atëherë do të kalojnë në gjysmëfinale. Përballja e dytë çerekfinale mes Vëllaznimit dhe Prishtinës do të transmetohet ekskluzivisht në Sport 2 në platformën më të madhe shqiptare, Artmotion.