ASISTI 497 që transmetohet të hënën me fillim nga ora 21:00 në Sport 1 dhe pas mesnates në Klan Kosova do të jetë shumë special dhe i mbushur me lajme, raporte, intervista ekskluzive si dhe bisedë shumë atraktive në studio.
Si gjithmonë gjithçka nis me analizën e plotë të ndeshjeve nga basketbolli kosovar ku do të mund të ndiçni pamje të cilat nuk i keni parë askund tjetër në reportazhin special nga qyteti i Mitrovicës ku u zhvillua finalja e dytë e këtij edicioni dhe shumëçka tjetër.
- Kush po del të jetë lojtari kyç në këto ndeshje finale deri më tani?
- Si ndodhi që Trepça të fitoj ndeshjen e tretë edhe pse ishte në disavantazh të thellë pak minuta para fundit?
- Çfarë atmosfere fantastike sollën tifozëritë e të dyja skuadrave në Mitrovicë?
- Çka thonë kapitenët e dy skuadrave për ndeshjen e katërt që do zhvillohet pas pak ditësh?
Në studion e ASISTIT këtë herë së bashku me Agon Fehmiun dhe Ulpiana Emrën do të jenë edhe dy kapitenët e skuadrave finaliste të playoffit në Artmotion Superlig, Gëzim Morina – kapiten i Golden Eagle Yllit dhe Valdrin Haxhiu – kapiten i Trepçës, të cilët zbulojnë shumë detaje nga organizimi i ndeshjeve finale deri më tani teksa sjellin edhe të rejat e fundit nga të dy taboret.
Si gjithmonë në ASIST nuk mungon as rubrika e veçant të cilën nuk mund ta gjeni askund tjetër “Shqiptarët në Botë”, ku do të mësoni rreth titullit kampion të fituar në Holandë nga Edon Maxhuni dhe skuadra e tij Heroes Den Bosch, teksa pikërisht basketbollisti i talentuar kosovar sjellë edhe intervistën ekskluzive për ASISTIN ku tregon rreth çelësit të suksesit, ndjenjës së të qenurit kampion dhe planeve që ka për të ardhmen.
Krejt në fund, ASISTI 497 fluturon përtej oqeanit atlantik për të sjellë mbulimin e plotë të finaleve të konferencave në NBA ku Bostoni dhe Golden State siguruan biletën për në finale teksa sjellë edhe lajmet më të reja nga liga numër një e basketbollit në botë.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
