Sonte Kosova synon të nxjerrë pikë nga Spanja

Kombëtarja e Kosovës në futboll sonte me fillim nga ora 20:45 do ta zhvillojë ndeshjen kundër Spanjës për kualifikimet në Kampionatin Botëror "Qatar 2022". Në "Fadil Vokrri", "Dardanët" do të synojnë të nxjerrë pikë nga "Furia e kuqe". Në konferencën për media të mbajtur gjatë ditës së djeshme përzgjedhësi i Kosovës Bernard Challandes, tha se do të përpiqen që ta befasojnë Spanjën. "Është një ndeshje mjaftë e vështirë, mbase nëse do të varej prej meje, do t’i kërkoja FIFA-s që me Spanjën në grupe mos të përballeshim asnjëherë me të.Ta lëmë shakanë anash, Spanja është një kundërshtar mjaftë i vështirë, që bazohet në dy komponentë, që e bëjnë të pamundshme kundërshtari të luajë në posedim, por megjithatë duhet të provojmë.Duhet të shohim rastin e Suedisë, që pavarësisht që nuk e kishte posedimin e topit, në fund të ndeshjes i morën tre pikët kundër Spanjës”. Në anë tjetër selektori i Spanjës Luis Enrique, tha se Kosova meriton të ketë më shumë pikë se që ka. "Spanja do ta ketë të vështirë të fitojë. Më pëlqen mënyra se si luan Kosova, është e ngjashme me ne, pasi mundohet të luajë në mënyrë sulmuese me topin në posedim. “Kosova nuk mbyllet prapa. Ata janë të guximshëm, dhe luajnë përpara. Ata kanë shumë më pak pikë sesa meritojnë. Do të na vështirësojnë shumë gjërat nesër”. Ndryshe ndeshjen e parë Spanja e kishte fituar me rezultat 3:1.