Sondazh: Shumica e rusëve nuk e duan vaksinën Sputnik V dhe e shohin COVID-19 si të krijuar artificialisht

Më shumë se 60 përqind e rusëve thanë se nuk janë të gatshëm të marrin vaksinën “Sputnik V” e prodhuar nga shteti i tyre kundër COVID-19. Po ashtu të njëjtit besojnë se COVID-19 është me origjinë artificiale, sipas rezultateve të një sondazhi të lëshuar të hënën nga anketuesi i pavarur Qendra “Levada” shkruan CNN, transmeton Klan Kosova. Sipas Levada, e cila zhvilloi sondazhin në fund të shkurtit, 62% e rusëve të anketuar thanë se nuk duan të vaksinohen me Sputnik V. Teksa vetëm 30% thanë se do ta bënin, krahasuar me 38% në dhjetor. Arsyet kryesore të deklaruara nga të anketuarit kundër marrjes së vaksinës ishin shqetësimet për efektet anësore (37% e atyre që nuk janë të gatshëm për vaksinim) ose dëshirojnë të presin derisa të përfundojnë provat (23%). 16% e të anketuarve thanë se "nuk shohin ndonjë pikë" në vaksinimin. Në dhjetor të vitit 2020, më pak njerëz kishin frikë nga efektet anësore (29%), dhe më shumë po prisnin që provat të mbaronin (30%). Sondazhi, pjesë e të cilit ishin 1 mijë e 601 njerëz nga 50 rajone përmes intervistave personale, gjithashtu zbuloi se 64% e njerëzve mendonin se teoria se koronavirusi i ri u krijua artificialisht si një armë biologjike ishte më e mundshme sesa origjina e saj natyrore, e cila vetëm 23% besonte . Për shembull, në Kinë, zyrtarë dhe media shtetërore kanë promovuar idenë se koronavirusi mund të ketë dalë nga një laborator dhe politikanët dhe konspiracionistët amerikanë kanë shtyrë idenë se një laborator kinez mund të ketë qenë përgjegjës. Ekipi i Organizatës Botërore të Shëndetësisë që shkoi në Wuhan, Kinë muajin e kaluar për të eksploruar origjinën e virusit tha se versioni që virusi doli nga një laborator është shumë i vështirë dhe nuk po hetohet më tej.