"Snapchat-i i ka fajet për rritjen e operacioneve plastike"

'Sëmundja e Snapchat-it' bëri që biznesi i kirurgjisë plastike të ketë rritje masive vitin që shkoi, pasi një numër gjithnjë e më i madh i amerikanëve i prezantuan mjekëve të tyre fotografi me filtera duke thënë "dua të dukem kështu". Matthew Schulman, kirurg i certifikuar nga bordi në Nju Jork, krediton mediat sociale për trendin në rritje, shkruan Fox News, transmeton Klan Kosova. "Është veçanërisht popullor me gjeneratën e re", tha Schulman për selfiet e filtruar, të cilat u mundesojnë njerëzve të ndryshojne pamjen e tyre duke përdorur aplikacionet e celularëve. Një çerek milioni më shumë procedura kozmetike u kryen në vitin e kaluar krahasuar me vitin 2017 - duke përfshirë një rritje prej 19 për qind në të ashtuquajturat 'prapanicë braziliane'. Impiantet e gjinjeve ende mbizotërojnë, ka njoftuar Shoqata Amerikane e Kirurgëve Plastikë.