Ismet Smajli, aktivist lobues në Amerikë sonte në “Edicionin Special” në Klan Kosova ka folur në lidhje me luftën ShBA-Iran, duke theksuar se situata e krijuar nuk është aspak e papritur.
Sipas tij, një përshkallëzim i tillë ka qenë i paralajmëruar prej kohësh dhe ishte vetëm çështje kohe derisa të ndodhte.
“Aspak befasuese, ka qenë e ditur që vetëm sa merr kohë, se kjo do të ndodhte, arsyeja pse e them këtë është se doktrina e presidentit Trump është që nga fillimi, kemi qenë të gjithë të njoftuar se është diçka më ndryshe nga ish-presidentet e mëhershëm, ka parasysh se ky është edhe mandati i tij i dytë, por edhe i fundit në krye të Qeverisë amerikane”.
“Kështuqë, e gjithë gjeopolitika e Shteteve të Bashkuara varet më së shumti nga një kusht, që është se për ShBA-në nuk janë probleme as lufta Rusi-Ukrainë, as kjo tani në Iran, kryesorja është se Shtetet e Bashkuara të Amerikës në planin e tyre afatgjatë, 100 vjeçar të ardhshëm, mënyra e vetme që do të dominojnë është ajo që ta mposhtin Kinën, sepse fuqia e Kinës është rritur shumë, si në sferën ushtarake, ekonomike, por edhe në zhvillimin e Intelegjencës Artificiale”, tha ai.
Smajli nënvizoi se strategjia gjeopolitike e ShBA-së është e përqendruar në objektiva afatgjata, ku prioritet mbetet rivaliteti me Kinën./Klankosova.tv
https://www.youtube.com/watch?v=yG9dnnYPWQw
●●●
GSHKRIMI NGA
G.U
Editorial nga Klan Kosova — ndjek lajme dhe zhvillimet e tjera kryesore të vendit.
