Slot ende beson që duhet pasur një skuadër me numër më të vogël lojtarësh

Trajneri i Liverpoolit, Arne Slot, ka thënë që beson ende në strategjinë e Liverpoolit që të mos ketë skuadër më të thellë. Pavarësisht lëndimeve me të cilat janë ballafaquar këta muaj, Slot ende beson që një skuadër më e vogël në numër është më e përshtatshme. “Unë besoj plotësisht në strategjinë e këtij klubi për të mos pasur një skuadër shumë të madhe”, ka thënë Slot. “Ne kemi 19-20 lojtarë, por nëse e ke një numër të tillë, atëherë mbajtja e tyre në formë është thelbësore kur ke kaq shumë ndeshje. Kjo ka qenë më e vështirë për ne sesa sezonin e kaluar”.