Skandal në Kinë: Studentes i kërkohet të zhvishet për të dëshmuar se është me cikël menstrual

Një shkollë në Pekin dyshohet se i kërkoi një studenteje të dëshmonte se ajo ishte me cikël menstrual, duke e detyruar të zhvishej. Një video virale e filmuar brenda asaj që duket të jetë një klinikë dhe e postuar në rrjete sociale këtë muaj, tregon një grua të re duke e pyetur një të moshuar: “A duhet të heqë çdo vajzë me menstruacione pantallonat dhe t’ju tregojë përpara se të kërkojë pushim mjekësor?”. “Në thelb, po”, përgjigjet gruaja e moshuar. “Ky është rregull i shkollës”. Mediat lokale e identifikuan vendndodhjen e videos si një klinikë në kolegjin universitar të Institutit Gengdan, i cili më vonë tha në një deklaratë se stafi i saj kishte “ndjekur protokollin”. Por përdoruesit e mediave sociale e kanë cilësuar takimin si një pushtim serioz të privatësisë. Si videoja e studentes ashtu edhe deklarata e shkollës duket se janë hequr, megjithëse pamjet e videos dhe fragmentet kanë riqarkulluar në internet, përfshirë nga media shtetërore. Në Douyin, TikTok i Kinës, një përdorues që pretendonte se ishte studentja tha se llogaria e saj origjinale u pezullua për 30 ditë për “përmbajtje pornografike” pasi ajo postoi videon. Në rrjetet sociale, incidenti ka shkaktuar një shpërthim zemërimi ndaj rregullave të shkollës, transmeton Klankosova.tv.