Situata në Lindjen e Mesme, 11 kosovarë të evakuuar nga Dubai arrijnë në Aeroportin e Shkupit

Pasditen e sotme në Aeroportin Ndërkombëtar të Shkupit, ka arritur grupi i dytë i qytetarëve të cilët janë evakuuar nga Dubai, pas shpërthimit të luftës mes ShBA-së e Izraelit dhe Iranit. Në mesin e tyre janë edhe 11 kosovarë. Kështu bëri të ditur përmes një njoftimi Ministria e Jashtme e Maqedonisë së Veriut. Sipas njoftimit, personat fluturuan ‘shëndoshë e mirë’ dhe u larguan nga territori i Emirateve të Bashkuara Arabe. "Nga ky numër gjithashtu, 7 janë shtetas serbë, 2 janë shtetas të Bosnjës dhe Hercegovinës, 2 janë shtetas shqiptarë, 1 është shtetas gjerman, 1 është shtetas armen dhe 1 është shtetas malazez", thuhet në njoftim, transmeton Klankosova.tv. “Bazuar në një plan të përcaktuar më parë dhe në koordinim me institucionet kompetente, fluturimi u organizua nga Ministria e Punëve të Jashtme dhe Tregtisë së Jashtme, dhe kostot për zbatimin e tij u mbuluan plotësisht nga shteti”, thuhet tutje në njoftim. Tutje në njoftim thuhet se grupi i tretë i qytetarëve pritet të mbërrijë në Prishtinë nesër, me fluturim nga Riadi, Mbretëria e Arabisë Saudite. /Klankosova.tv