Simone Inzaghi shpallet trajneri më i mirë italian

Trajneri Interit Simone Inzaghi, është nderuar me çmimin prestigjioz "Panchina d’Oro" si trajneri më i mirë italian i sezonit 2023-24. Ky çmim u dha në bazë të votimit të 51 kolegëve të Serie A, të cilët u mblodhën të hënën në Coverciano gjatë një trajnimi vjetor. Inzaghi mori 26 vota, duke lënë pas Gian Piero Gasperini të Atalantës me 14 vota dhe Vincenzo Italianon e Bolognës me 4 vota. Ky ishte triumfi i parë i Inzaghit i cili vjet u shpall kampion me Zikaltrit. Trajneri i Real Madridit dhe fituesi i Champions League, Carlo Ancelotti, u vlerësua me "Panchina d’Oro Speciale", ndërsa Gasperini mori gjithashtu një çmim të veçantë për triumfin e Atalantës në Europa League. Fabio Pecchia fitoi "Panchina d’Argento" për punën e tij në rikthimin e Parmës në Serie A sezonin e kaluar.