Lajmet e fundit
Gazetari Ardian Gaxherri, ju sjell storien rreth hapave preventivë ndaj tërmeteve.
Këtu mund të mësoni se si duhet përgatitur para tërmetit, çfarë duhet bërë gjatë kohës që është duke ndodhur dhe pasi të përfundojë.
Po ashtu mund të mësoni se sa është shkalla e rrezikshmërisë nga tërmetet në Kosovë dhe sa janë stabile dhe të qëndrueshme ndërtimet e larta ndaj tërmeteve. Kosova njihet për tërmete të fuqishme qysh në shekullin e V-të, kur u godit Dardania apo Kosova e sotme, dhe qyteti që pësoi më së shumti ishte Ulpiana e vjetër, njofton Klan Kosova.
Në bazë të statistikave nga instituti sizmologjik i Kosovës, vendi ynë goditet rreth 500 herë në vit nga tërmete me fuqi të ndryshme. Por në shekullin e 20-të, tërmetet më katastrofale dhe ndër më të fuqishme, ishin ai i vitit 2002 që goditi regjionin e Gjilanit me intensitet 8 ballë, ai i vitit 2010 që goditi Istogun me intensitet prej 7 ballë, dhe në vitin 2013 u godit regjioni i Vushtrrisë nga një tërmet me intensitet prej 6,5 ballë.
Kosova njihet si zonë me rrezikshmëri të lartë nga tërmetet, dhe mesatarja e intensitetit të tyre është 6.1-6.3 ballë.
