Sigal Prishtina ka shënuar fitore ndaj Rahovecit me rezultat 67:53, në kuadër të javës së 19-të në Art Motion Superligën e Kosovës në basketboll.
Çereku i parë ishte mjaft i baraspeshuar, ku epërsia më e lartë u takoi mysafirëve, gjashtë pikë, 8:14, derisa kjo pjesë përfundoi 15:18.
Por, skuadra "bardhekaltër" u rikthye shpejtë në çerekun e dytë duke pasur epërsi deri në tetë pikë, 35:27, dhe më pas u zhvillua lojë e barabartë, duke shkuar në pushim me shifrat 38:32.
Vendasit vazhduan me lojë të mirë edhe në periodën e tretë, duke thelluar edhe më shumë epërsinë, që shkoi në 14 pikë, 38:24, ku më pas kryesisht u zhvillua lojë e barabartë, ndërsa rezultati në semafor pas 30 minutash ishte 54:43.
Në dhjetë minutat e fundit, kryeqytetasit menaxhuan lojë, duke ruajtur epërsinë, dhe triumfuan me shifrat 67:53.
Sigal Prishtina ka dhjetë fitore e nëntë humbje, kurse Rahoveci ka gjashtë fitore e 12 humbje.
https://www.youtube.com/watch?v=8g9dO7_O6Kc
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
