Si u zhvillua aksioni ku u kapën rreth 100 kilogramë drogë?

Operacioni "Kalaja", u zhvillua sot nga Antidroga e Policisë dhe Prokuroria Themelore e Pejës. Në këtë megaksion, u konfiskuan rreth 100 kilogramë substanca narkotike e llojit "Marihuanë", e në pranga ranë dy persona. Detaje për Klankosova.tv ka dhënë prokurori Ersan Qavolli. Qavolli tregoi se si u zhvillua ky aksion. "Arrestimi i të pandehurit është bërë në Qendër Tregtare, por aksioni është kryer në Raushiq të Pejës.Aty janë sekustruar 100 kilogramë narkotik e llojit marihuanë dhe janë kontrolluar një fermë e pulave, një shtëpi dhe një plantacion", tha ai për Klankosova.tv "Gjithashtu edhe një shtëpi në Barilevë ku janë arrestuar dy persona dhe janë sekuestruar edhe katër vetura", theksoi ai. Prokurori i rastit bëri të ditur se nesër do të parashtrohet edhe kërkesa për paraburgim ndaj të dyshuarve. https://klankosova.tv/konfiskohen-rreth-100-1kilograme-droge-qavolli-do-te-kerkojme-caktimin-e-paraburgimit-per-te-dyshuarit/ https://klankosova.tv/konfiskohen-rreth-100-1kilograme-droge-ne-pranga-dy-persona/