Si t'i tregoni dikujt që po mban erë të keqe trupi?

Të kalosh kohë rreth dikujt qe mban erë të keqe trupit, nuk është e rehatshme, por të vendosësh t’ia thuash, është një tjetër problem, sepse për shumë njerëz është moment shumë i sikletshëm. Kjo sipas disa ekspertëve duhet bërë dhe nuk duhet gjykuar vetja për një vendim të tillë, shkruan HoëStuffËorks, transmeton Klankosova.tv. Sipas tyre, ju nuk duhet të ndiheni keq, sepse nuk jeni përgjegjës për higjienën e personit tjetër dhe nuk jeni të informuar për detaje të tjera private në lidhje me historinë e tyre, qoftë edhe mjekësore, nëse ka një të tillë. Kur filloni të bëni me dikë një bisedë të tillë, së pari është e rëndësishme që ta zgjedhni një vend të përshtatshëm dhe kur jeni vetëm. Është e rëndësishme që kur flitet për një temë të tillë me personin të cilit keni vendosur t’ia thoni se mban erë të keqe trupi, atëherë duhet të keni kujdes që të mos zemëroheni, por të flisni qetë. Përdorni një gjuhë të qartë, por mos u bëni fyes, madje provoni edhe të thoni shprehje si “"Shiko, kjo është e sikletshme dhe jam i sigurt që nuk e di, por me të vërtetë mendova se duhet ta dini se po mbani erë të keqe trupi”. Sipas ekspertëve, gjithmonë duhet të ia kujtoni vetes se ju po e bëni këtë me qëllim të mirë dhe jo për ta turpëruar palën tjetër.