Lajmet e fundit
Krijo vetëbesim
Respektimi dhe pëlqimi i vetes është një hap i rëndësishëm që duhet marrë, në mënyrë që të ndërtosh marrëdhënie shoqërore të shëndetshme dhe jetëgjata. Mendo për vlera që çmon te vetja. Nëse ndihesh rehat me veten, e reflekton dhe te të tjerët.
Gjej diçka pas së cilës mendon se je i apasionuar
Bëhu pjesë ndonjë kursi gjuhe në qoftë se ju pëlqejnë gjuhët e huaja ose bëj punë vullnetare në ambient të hapur nëse ju pëlqen natyra. Këto janë vendet në të cilat mund të lidhni miqësi.
Tregoje prezencën tënde
Mbani mend, kush nuk guxon- nuk fiton. Nuk klasifikohet si humbje nëse humb dikë që as s’të përshtatej si shok. Kjo nuk quhet ‘e humbur‘, quhet ‘e provuar‘.
Takohu në vende asnjanëse
Direkt pasi ke bërë hapin e parë dhe ke ftuar dikë për t’u ritakuar, zgjidh një ambient asnjanës për të kaluar kohën. Kjo gjë redukton presionin që do të kishit nëse do ta kishit ftuar në shtëpi dhe ju jep më shumë kohë për t’u fokusuar të njëri-tjetri.
Bëj pyetje
Nëse dëshiron që të bëhesh popullor, pyeti ata rreth vetes dhe dëgjoji me vëmendje kur përgjigjen. Rrallë gjen dëgjues të mirë ditët e sotme. Është pasaporta më e mirë e mundshme drejt një shoqërie të vërtetë.
Mos ki pritshmëri të larta.
Një gabim i rëndomtë që e bëjmë shpesh janë pritshmëritë tepër të larta nga një person, shkruan bota.al. Do të ishte më e shëndetshme po të tregoheshit më realist dhe të kishit një shumëllojshmëri shokësh për arsye të ndryshme.
