Si t'i kombinojmë atletet me veshje festive? (FOTO)

Dashuria për takat është krejt ndryshe nga ajo që kemi për atletet. Këto të fundit, nuk ka asgjë që i zëvendëson, por shpesh për t'i dhënë pak më shumë hijeshi pamjes, "detyrohemi" të veshim këpucë të larta. Historikisht në mendjen tonë ka ekzistuar ideja se veshjet e mbrëmjeve apo ato festivet "nuk vishen me atlete", por gjërat kanë ndryshuar. Si t'i kombinoni jua themi ne, përmes stileve të VIP-ave. Për t'u dukur kështu ndiq vetëm një rregull. Vishu aq bukur sa njerëzve të mos u shkojnë sytë fare tek këpucët. Atletet e bardha duket sikur shkojnë me çdo veshje të mundshme. Sepse në fakt, shkojnë. Vetëm se pantallonat e Bella-s janë "serioze" s'do të thotë se duan domosdoshmërisht taka. Një xhaketë oversize e bën veshjen të duket super klas! Funksionon gjithnjë prandaj, mos hezitoni. Veshjes festive s'keni pse i shtoni taka që ju sikletosin. Atletet e kryejnë funksionin e tyre edhe më mirë. Kostumi i Gigi-it është sa sportiv aq edhe chic. Bashkë me atletet dhe një make up të plotë, jeni gati për t'u shfaqur kudo! Atletet e Selena-s shkojnë mrekullisht mirë me këtë kostum! /anabel