Si t'i dekorojmë ambientet në raste të veçanta? (FOTO)

Së shpejti në Kosovë mund të fillojë mbajtja e dasmave dhe eventeve të tjera familjare. Martesa, fejesa, ditëlindja, synetia dhe shumë të tjera, janë disa nga rastet kur një familje shqiptare organizon festë të madhe, me shumë të ftuar dhe ambiente të rregulluara deri në detaje. Meqenëse jemi afër hapjes pasi ka 'shenja pozitive' pas mbledhjes së fundit të Ministrit të Shëndetësisë me gastronomët, me siguri shumë familje në Kosovë kanë filluar organizimin e një eventi special i cili pritet të ndodhë së shpejti. Por, si duhet dekoruar një ambient kur kemi festa të paharruara? No description available.

Shema nga Stina Dekor ka ndarë me Klankosova.tv disa ide të cilat mund t'i shfrytëzoni në ditët e veçanta që do të mbesin gjithmonë në kujtesë. Ajo tha se dekori gjithmonë mund të bëhet i ndërlikuar kur nuk dihet saktësisht se si duhet filluar. "Ndër gjërat më të vështira dhe të rëndësishme është dekorimi i ambientit, por së pari duhet të përzgjedhim vendin se ku do ta zhvillojnë dasmën apo eventin. Gjithashtu dekori i hapësirave është diçka që duhet bërë me kujdes, pasi duhet të jenë të këndshme dhe të përshtatshme për secilin funksion", deklaroi Shema. No description available.

Mes tjerash, ajo u shpreh se dekori është personal dhe për këtë arsye duhet të zbukurohet sipas shijeve të secilit person. "Gjithmonë duke menduar se si të krijoni hapësira harmonike. Së pari fillojmë me sfondin e dekorit ku mund të përdorim një pllakë me mbishkrim hekur ari dekori të varura me lule ose gjelbërim, pastaj vendi ku do të ulet çifti mund te zbukurohet me pëlhura mëndafshi, qirinj, balona me ngjyra si dhe të përdoren tavolina dhe karrige transparente mbi to". "Mund të vendosim vazo kristali për lulet dhe qirinjtë, gota qelqi por dhe ari, ku ari gjithmonë është neutral. Shtimi i detajeve si përdorimi i shiritave, paletës me ngjyrime të ndryshme, peceta e monogramuar dhe dizajni i ftesës sa me elegant, janë detaje shtesë për të admiruar të ftuarit tuaj dhe për të bërë situatën sa me tërheqëse. Dhe në fund fare është ëmbëlsira - një mënyrë e ëmbël për të shfaqur nuancat e ndryshme të dasmës tuaj. Lule të qershisë delikate dhe zbukurime të flakës së artë, së bashku me vendosjen në pjata të bukura, zbukurojnë modelet pa e tepruar". No description available.

Afaristja kosovare po ashtu zbuloi se dekorimi i një ambienti mund të zgjasë dy deri në katër orë. "Kur zbukurojmë një hapësirë duhet të jemi shumë të qartë se çfarë lloji të eventit duam ta bëjmë. Zakonisht dekori për ditëlindje zgjat dy orë, ndërsa për dasma deri ne katër orë. Kjo është shumë e rëndësishme sepse në varësi të stilit te eventit dhe kërkesës se klientit mund të përdoren detaje dekorative speciale të ndryshme që mund të marrin kohë", sqaroi Shema. Nëse nuk jeni në rrugë të duhur se si të dekoroni një hapësirë për ditën tuaj të veçantë, Stina Dekor sugjeron dekorime të thjeshta dhe tërheqëse, por ka edhe speciale, varësisht nga lloji i eventit. No description available.

Për të dekoruar një hapësirë të vogël apo të madhe, duhet të jeni i inspiruar, dhe Shema tha se është e pasionuar pas kësaj pune që një vit dhe se është në hap me trendet e fundit. "Për të dekoruar një hapësirë, duhet të kemi ide të qarta dhe mbi të gjitha shumë frymëzim. Mund të bëjmë një liste me gjërat që na pëlqejnë, na frymezojnë. Unë jam e apasionuar pas kësaj pune që një vit dhe për këtë arsye gjithmonë jam pas ideve të reja dhe asaj se çka është në trend, por edhe në internet mund të gjejmë një mori idesh dhe frymëzimesh në hapësirae stile të ndryshme, në mënyrë që të mund të marrim ide për hapësirën tonë", tha ajo. Nëse ende nuk e keni zgjedhur një 'shtëpi dekori' për dasmën, fejesën apo ditëlindjet tuaja, mund të gjeni ide nga më të ndryshmet tek Stina Dekor tek të cilët siç thotë Shema, çmimet janë të pranueshme. "Çmimet në kompaninë tonë janë të arsyeshme, por e gjithë kjo varet nga lloji i dekorit si dhe duke i dhënë përparësi gjithmonë preferencave të klientit. Të gjithë njerëzit janë të interesuar rreth nesh, mund të na kontaktojnë në numër të telefonit si dhe mund të na gjejnë në të gjitha rrjetet sociale me emrin stinadekor", përfundoi Shema.