Lajmet e fundit
Kur vjen puna te humbja e kilogramëve të tepërt, ne gjithmonë imagjinojmë që duhet të hamë shumë fruta dhe perime, në mes të stërvitjeve të mundimshme.
Në fakt, është e vërtetë – është shumë e vështirë t’i arrini format trupore që gjithmonë keni dëshiruar, pa konsumuar ushqime të shëndetshme dhe pa ushtrime fizike.
Por, lajmi i mirë është se ju mund të largoni kilogramët e tepërt, edhe pa shkuar në palestër dhe pa dieta sfilitëse, transmeton Klan Kosova.
Më poshtë janë disa truqe që ju ndihmojnë që të humbni peshë, pa kufizuar ushqimet që i doni, dhe pa bërë ushtrime fizike shumë të lodhshme.
Konsumoni ushqime nga enë me ngjyrë të kuqe
Kjo mund të duket e çuditshme por studimet kanë treguar se njerëzit konsumojnë më pak ushqim kur hanë nga enët me ngjyrë të kuqe, se sa nga enët me ngjyrë të bardhe ose kaltër.
Në fakt, kjo ngjyrë është e ndërlidhur me ndalesat dhe është një sinjal për t'u ndalur, kështu që njerëzit instinktivisht hanë më pak.
Është realizuar edhe një eksperiment ku pjesëmarrësve iu dhanë biskota në pjata të kuqe, të bardha dhe kaltër. Ata që kishin një pjatë të kuqe hëngrën shumë më pak se pjesëmarrësit e tjerë.
Dhe po, ata nuk po hanin ushqim të shëndetshëm. Pra, kjo këshillë vlen vetëm për situatat kur hani ushqime jo të shëndetshme.
Pini nga një gotë e gjatë
Një fakt interesant dhe shkencërisht i vërtetuar: nëse konsumoni pije nga gota të gjata, do të pini rreth 25-30% më pak.
Shkencëtari amerikan Brian Wansink e shpjegon atë si një iluzion optik që e “mashtron” trurin.
Largoni ushqimet e pashëndetshme nga zona ku mund t'i shihni
Hulumtimet tregojnë që njerëzit që mbajnë në afërsi ushqime me shumë kalori, kanë më shumë gjasa që të shtojnë më shumë peshë, se sa ata që fshehni ushqimet e pashëndetshme dhe para vetes mbajnë fruta.
Duke parë ushqimet e pashëndetshme përpara, do të rritet ndjenja e urisë dhe do të tundoheni më shumë për të ngrënë.
Konsumoni më shumë proteina
Kur konsumoni ushqime që janë të pasura me proteina, ju do të mundni urinë më shpejt.
Hulumtimet tregojnë se rritja prej 15 % e dozës së proteinave në ushqimin tuaj ndihmon që të konsumoni shumë më pak kalori.
Ushqimet që kanë më shumë protein janë: mishi (i pulës dhe ai i kuq0, peshku, vezët, gjiza, djathi dhe kaçkavalli dhe fasulet.
Kur jeni të uritur, përtypni çamçakëz nga menta
Kur ndiheni të uritur dhe ka shumë gjasa që të konsumoni diçka të pashëndetshme, përtypni çamçakëz menteje.
Kjo do të largojnë urinë tuaj menjëherë.
Shtoni akuj në pijet tuaja
Të gjitha ushqimet që hamë dhe pimë nxehen nga trupi në temperaturën e trupit.
Ky proces djeg kaloritë dhe sa më shumë nxehje që trupi duhet të bëjë, aq më shumë kalori djeg.
Shtoni pak akull në pijet tuaja (kafe, çaj, lëng, kokteje). Ushqimi i ftohtë gjithashtu e bën trupin të djegë më shumë kalori.
Flini më shumë
Hulumtimi i publikuar në vitin 2013 nga revista Nature Communications tregoi se njerëzit që flenë më pak se 6 orë gjatë natës hanë më shpesh ushqime me kalori dhe fitojnë më shumë peshë sesa njerëzit që flejnë mjaftueshëm.
Pra, provoni të flini gjumë për të paktën 7-8 orë gjatë natës.
