Lajmet e fundit
Procesi zgjedhor në katër komunat me shumicë serbe, ku fituese doli Lista Serbe, ka vijuar pa asnjë incident.
Lidhur me mbarëvajtjen e zgjedhjeve, ka folur edhe zëvendësdrejtori i Policisë për Veriun, Veton Elshani, i cili në një intervistë për emisionin "Kosova Today" tha se Policia e Kosovës ka qenë e përgatitur për çdo situatë të mundshme, por nuk ka pasur nevojë për reagime.
“Ne punojmë në bazë të vlerësimit të rrezikshmërisë dhe nuk ka pasur ndonjë rrezikshmëri të madhe në veri të vendit. Të gjitha partitë kanë qenë në rregull dhe e kanë kryer punën e tyre. Nuk ka pasur gjuhë të urrejtjes apo ndonjë indikacion që do të na shqetësonte. Sidoqoftë, ne kemi pasur një numër të mjaftueshëm të policëve në rast se do të kishte nevojë për reagim, por nuk ka pasur nevojë për ndërhyrje”, tha Elshani. /Klankosova.tv
