Si duket pranvera në një fermë? (VIDEO)

Me pranverën shtohet puna në fermën e Sadush Kabashit, i cili përkujdeset në baza ditore për qindra kafshë të ndryshme ndër to edhe një kalë për të cilin mund të mësoni nga materiali. Në këtë fermë janë ndërtuar edhe tri liqene ku kultivohen llojet e peshkut si mlyshi apo karashi, por aktiviteti kryesor mbetet prodhimi i qumështit. Përkujdesin ndaj kafshëve që jetojnë në këtë fermë, duke filluar nga mirëmbajtja e fermës, mjelja e qumështit e deri tek prodhimi ushqimit për të gjitha gjallesat, në baza ditore punojnë dhjetë persona. Aktualisht, në këto ferma po bëhet plehërimi apo mbjellja e parcelave. Megjithëse ato janë rritur në vitet e fundit, kapacitetet e tyre do të ishin tjera, nëse do të hasnin në më shumë përkrahje. Sadush Kabashi dikur jetonte në Gjermani, me punën e tij në fermën në fshatin Gusar, ai sot është një ndër fermerët shembull të vendit. https://www.youtube.com/watch?v=thJ9iQQOUAc