Si do të dukeshin sot bukuroshet e shekullit të 20-të?

Posteri zyrtar në Festivalin e Filmit në Kanë gjatë vitit 2017 ishte ndoshta skandali më i madh në historinë e këtij konkursi prestigjioz. Personazhi kryesor ishte një aktore legjendare e shekullit të kaluar, Claudia Cardinale. Por, nëse e shihni nga afër fotografinë origjinale do ta vëreni qartë që ajo në poster është për dy madhësi trupore më e hollë. Organizatorët e Festivalit të Filmit në Kanë menduan se Claudia Cardinale nuk përputhej me standardet e bukurisë që janë ditëve të sotme. Ndoshta për çudinë e të gjithëve, vet Claudia Cardinale nuk u shqetësua nga një gjë e tillë. Madje e mori me shumë sportivitet. “Fotografia është edituar ashtu që unë të dukem sikur gruaja e ëndrrave të dikujt. Nuk ka arsye që të shqetësohemi nëse kjo është reale ose jo. Si një feministe e vërtetë, unë nuk shoh asnjë krim kundrejt trupit të gruas”, ka thënë ajo. Por, megjithatë askush nuk mund ta mohojë se sa shumë ndryshojnë standardet e bukurisë në shekullin 20 dhe 21. Kjo edhe na shtyri të mendojmë se si do të dukeshin bukuroshet e shekullit të kaluar në ditët e sotme…bazuar në standardet moderne të bukurisë.