Shumica e aparateve të dializës në QKU jashtë standardeve, sipas kritereve ndërkombëtare

Shumica e aparateve të dializës në repartin e hemodializës në Qendrën Klinike Universitare, janë të vjetra prej 10 vjet. Madje në shkresën zyrtare të drejtoreshës së klinikës së nefrologjisë, Mimoza Bërbatovci, e të cilën e ka siguruar Klan Kosova, thuhet se këto pajisje sipas kritereve ndërkombëtarë janë jashtë standardeve, përkundër që servisohen vazhdimisht, raporton Klan Kosova. Këto detaje i ka paraqitur në kërkesën drejtuar menaxhmentit të QKUK-së që e bëri në muajin shtator për blerjen e aparateve të reja për dializë, diku afro 50 sosh. Megjithëkëtë, udhëheqësja e nefrologjisë siguron pacientët që vjetërsimi i aparaturave nuk ka ndikuar në cilësinë e dializës. Drejtuesja e kësaj klinike thekson se kjo nevojë ka rrjedhë edhe si shkak i planeve që kanë për të bërë renovimin e repartit të hemodializës, investime këto që pritet të kryhen me 2025. Në këtë klinikë vetëm gjatë 2023-ës janë kryer mbi 37 mijë procedura të hemodializës. /Klankosova.tv https://youtu.be/HaG49vd3OB4