Tashmë po bëhet hera e tretë që gjatë qeverisjes së Albin Kurti, po ndodh shtrenjtimi i rrymës.
Kjo ka shkaktuar indinjatë të madhe tek qytetarë.
Madje, miratimi i tarifave të reja i ka mobilizuar ata edhe në një protestë në Prishtinë të shtunën e 5 prillit, derisa nesër, më 1 prill Zyra e Rregullatorit të Energjisë, pritet t'i miratojë tarifat e reja, më të larta prej 15 për qind.
Një nga vëzhguesit e tërë këtij procesi, Shenoll Muharremi, ka nxjerrë përmes një postimi dallimet në qëndrime të Ministrisë së Ekonomisë të viteve 2022 dhe tash 2025.
“Qëndrimi i Ministrisë në vitin 2025 është diametralisht i kundërt me atë të vitit 2022. Në 2022 Ministria e Ekonomisë ishte kritike, në mbrojtje të konsumatorit dhe kërkonte transparencë dhe analiza të thella nga ZRRE”.
“Në 2025 ajo justifikon rritjen e tarifave, minimizon barrën mbi qytetarët, bizneset dhe ekonomi dhe nuk sfidon më ZRRE-në”, shkroi ai.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
