“Shtëpia e Pavarësisë”, vendi nga ku u krijuan aleancat më të rëndësishme të Kosovës

“Këtu kemi lindjen fillestare jo vetëm të komunikimit, por edhe të diplomacisë në kushte të jetës së vështirë politike, por që ka qenë, diplomacia më e suksesshme Kosovës”, ka thënë Lumir Abdixhiku në intervistën për Rubikon, pikërisht nga Shtëpia e Pavarësisë në Prishtinë. Dikur selia e Lidhjes së Shkrimtarëve, tani “Muzeu i Pavarësisë së Kosovës Dr. Ibrahim Rugova”, i ruan gjurmët e rrugëtimit të figurave kryesore të shtetndërtimit. Shtëpia e vogël që bartë brenda vetës histori të rëndësishme, është hapur për publikun në vitin 2007. Nga aty kandidati për kryeministër nga LDK-ja, Lumir Abdixhiku ka folur për punën dhe aleancat me shtete mike që krijoi Kosova para tre dekadash. "Këtu është historiku i gjithë lëvizjes së madhe të viteve `90, për liri, pavarësi e demokraci e prezantuar në një shtëpi, e komunikimit me jashtë. Këtu ka qenë zyra e Presidentit Rugova, salla e konferencave, zyra e Qendrës Informative për Kosovën. Kjo shtëpi kaq e vogël është bërë një shpresë e madhe e gjithë Kosovës". "Se kjo shtëpi ka qenë pengesë për forcat serbe e dëshmon edhe fakti se në natën e bombardimeve ishte djegë Ambasada Amerikane, kurse të nesërmen kjo shtëpi si pikë targeti specifik, si hakmarrje. Këtu është edhe fotografia e shtëpisë së djegur. E vetmja fotografi e mbijetuar është kjo e Ibrahim Rugovës me Anton Çettën”, tha Abdixhiku për Rubikon. Abdixhiku tha se në këtë objekt është bërë punë epokale për të bindur rreshtimin e aleatëve në krah të Kosovës. “Në këtë hapësirë ka pasur punë epokale në bindjen e çdo aleati potencial në botë, që të bëhet krah me ne. Në këtë periudhën e fundit katër vjeçare është rrotulluar kjo tavolinë e drejtimit, ka bindje maksimale për të larguar secilin aleat që kemi pas afër nesh”. “LDK është pjesë e familjes së madhe Evropiane tash e shoh se sa e vështirë është të shtysh përpara narracionin e Republikës së Kosovës përballë narracionit të Serbisë, që populli serb po shtypet gjë që nuk është e vërtetë. Këtu ne kemi lindjen fillestare jo vetëm të komunikimit po edhe të diplomacisë në kushte të jetës shumë të vështirë politike, por që ka qenë, diplomacia më e suksesshme sepse për pak vite ka arritë që gjithë aleancën perëndimore ta rreshtoj krah Kosovës”, tha Abdixhiku. https://www.youtube.com/watch?v=VhqeY58jfIM