Shtatëvjeçarja këndon në koncertin e Celine Dion, mrekullon të gjithë (VIDEO)

Pasi i shkruajti Celine Dionit, shtatëvjeçarja Anjali Singh u ftua në skenë që të këndojë bashkë me Dion në koncertin e saj në Las Vegas. Shtatëvjeçarja bashkë me këngëtaren e saj të preferuar të cilës i kishte shkruar edhe një letër kanë kënduar hitin e Celine Dion “I Surrender”. Vajza e vogël kishte udhëtuar nga Los Angeles bashkë me prindërit e saj për ta parë performancën e këngëtares që e adhuron, në Caesars Palace’s Colosseum në Las Vegas. Sapo Singh nisi të këndojë këtë hit të vitit 2002, të gjithë të pranishmit nisën ta duartrokisnin vogëlushen. Madje këngëtarja e hitit “My Heart Will Go On” i ka kërkuar Anjali Singh një autograf. “A mund të më japësh një autograf. Emri im është Celine”, ka thënë ajo me shaka.