Shtatë shqiptarë janë arrestuar të mërkurën në rajonin e Galicias, gjatë një operacioni të zhvilluar nga Garda Civile spanjolle.
Gjatë aksionit në zonën Rego do Alcalde, autoritetet sekuestruan një gomone me tre motorë dhe një sasi të pa peshuar kokaine, si dhe materiale të tjera të lidhura me trafikun e drogës, transmeton Klankosova.tv.
Ky është rasti i parë që një bandë me origjinë ballkanike tenton të shkarkojë drogën direkt në bregdetin e Galicias.
Hetimet zbuluan gjithashtu lidhje me një anije peshkimi të kapur në vitin 2023, e cila transportonte 7.500 kilogramë kokainë.
Javën e kaluar, tre belgë dhe gjashtë shqiptarë u arrestuan në Vigo për lidhje me një ngarkesë prej 1100 kilogramë kokainë./A2CNN
●●●
LESHKRIMI NGA
Lendita Elshani
Editorial nga Klan Kosova — ndjek lajme dhe zhvillimet e tjera kryesore të vendit.
