ShSKUK njofton se pacientët në dializë po marrin trajtim të rregullt

Më 4 nëntor, Klan Kosova raportoi për mungesë të materialeve bazike për trajtimin e pacientëve në dializë. Veç këtij raportimi, mediumi trajtoi këtë çështje edhe ditëve në vijim, duke folur edhe me pacientë në Spitalin e Mitrovicës që tregonin se nga 4 orë sa zgjat trajtimi, atyre po u ofrohen vetëm 2 orë. “Krizën” e kishin konfirmuar edhe nga Shërbimi Spitalor dhe Klinik Universitar i Kosovës (ShSKUK), teksa patën thënë se pa nënshkrim të një kontrate të re, nuk zgjidhet problemi. Ndërsa sot, ShSKUK doli me një njoftim duke thënë se “shërbimet e dializës nuk janë ndalur”. “Pacientët po e marrin trajtimin e tyre të rregullt, në QKUK, por edhe spitalet e përgjithshme”, tha ky institucion. Për momentin, SHSKUK tha se ka material të mjaftueshëm për zhvillimin e seancave “dhe nuk ka pasur asnjë vonesë në ofrimin e shërbimeve”. Shërbimi Spitalor dhe Klinik Universitar i Kosovës tha se ka ndërmarrë të gjitha veprimet e nevojshme që furnizimi të stabilizohet plotësisht. Më poshtë, disa nga raportimet e Klan Kosova: Kriza “Dializa”: Kryetarja e Bordit të ShSKUK-së s’flet, i ik Klanit (VIDEO) - Klan Kosova ShSKUK me furnizim të numëruar për dializë (VIDEO) - Klan Kosova Materiali për dializë mbërrin në Spitalin e Mitrovicës, ShSKUK-ja sqaron situatën për Klanin - Klan Kosova Mungesa e materialit mjekësor: Duhen katër orë dializë, ofrohen vetëm dy (VIDEO) - Klan Kosova Mungesa e materialit lë pacientët e hemodializës në pritje në Mitrovicë (VIDEO) - Klan Kosova