Shqiptohen dënimet pas përleshjes brutale në mes të Real Madridit dhe Partizanit

Zyrtarët e Euroligës, të premtën kanë shqiptuar dënimet pas përleshjes brutale në ndeshjen e Play-Offit në mes të Real Madridit dhe Partizanit. Të dy klubet janë gjobitur me nga 50 mijë euro. Guerschon Yabusele i Realit e pësoi më së keqi, duke marrë pezullim prej pesë ndeshjesh. Kevin Punter i Partizanit u pezullua me dy ndeshje. Gabriel Deck dhe Mathias Lessort u pezulluan me nga një ndeshje, me vërejtjen se nuk ka të drejtë ankimimi. Pas faullit të Sergio Llull ndaj Punter, kur kishin mbetur edhe 1 minutë e 40 sekonda nga loja, pasoj një përleshje mes basketbollistëve të të dy skuadrave. Partizani po udhëheq befasisht 2:0 në seri, dhe i duhet një fitore nga dy ndeshjet e ardhshme për t'u bërë pjesë e "Final Fourit" të Euroligës.