Shqiptarët shtojnë vizitat brenda vendit të tyre, rajoni qendror me fluksin më të lartë

Në pesë muajt e parë të këtij viti, më shumë shqiptarë kanë vizituar atraksionet turistike të Shqipërisë. Nga janari deri në maj janë regjistruar rreth 252 mijë vizitorë shqiptarë në hotele dhe ambiente të ngjashme, tregojnë të dhënat e strukturave akomoduese. Kjo shifër nënkupton një rritje prej 12.5 për qind, në krahasim me të njëjtën periudhë të një viti më parë. Në maj është shënuar po ashtu një rritje me gati 13% më shumë vizitorë sesa në majin e vitit 2023. Zonat më të frekuentuara për muajin e pestë të vitit rezulton se janë qendra dhe jugu i vendit, raporton Tvklan.al, transmeton Klankosova.tv.