Shqiptarët nga Kosova braktisin bregdetin e Shqipërisë, preferojnë atë grek

Mijëra shqiptarë nga Kosova vizituan më pak këtë vit bregdetin e Shqipërisë. Sipas të dhënave nga Instant, Shqipëria ka humbur rreth 120 mijë turistë nga Kosova në periudhën janar-korrik 2025, transmeton Klankosova.tv. Por bazuar në këto të dhëna, Shqipëria ka fituar më shumë turistë nga Maqedonia e Veriut dhe Serbia. Eksperti i turizmit në Shqipëri, Leonard Seferi, tha për “Ora Shtatë” se çdo vit ka ulje të numrit të turistëve nga Kosova, dhe sipas tij, shkas kryesor është liberalizimi i vizave. Sipas Seferit, për kosovarët destinacion kryesor mbetet tani Greqia. Nga ana tjetër, Blerina Ago, po ashtu eksperte e turizmit, thotë se faktor tjetër për uljen e turistëve nga Kosova në Shqipëri, është taksa rrugore. https://www.youtube.com/watch?v=THNw3Vp4W0M