Shqipëri: Pesë viktima dhe 833 raste të reja me COVID-19

Ministria e Shëndetësisë në Shqipëri ka njoftuar se kanë humbur jetën pesë pacientë nga koronavirusi gjatë 24 orëve të fundit. Ndërsa nga 3 mijë e 511 testime të kryera, është shënuar shifër e lartë rastesh të reja pasi kanë rezultuar pozitivë 833 persona. “Me gjithë përpjekjet e stafit mjekësor, 5 qytetarë e kanë humbur betejën me COVID19 në spitalet COVID. 2 qytetarë nga Tirana, 1 qytetar nga Korça, 1 qytetare nga Mati, 1 qytetar nga Kruja, të moshave 26- 70 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”, njofton MSH. Sa i përket situatës në katër spitalet COVID, po trajtohen 286 pacientë, 18 në terapi intensive nga të cilët tre pacientë janë të intubuar./TCH