Shqipëri: Dy të lënduar si pasojë e një aksidenti - kamioneta përfundon në kanal

Një aksident rrugor është regjistruar në aksin Fier–Seman, në afërsi të lagjes "Afrim i Ri", ku një automjet është përplasur me një kamionetë. Si pasojë e përplasjes, dy shtetas kanë mbetur të lënduar. Ata kanë marrë ndihmën e parë mjekësore, ndërsa gjendja e tyre raportohet jashtë rrezikut për jetën. Në vendngjarje kanë mbërritur efektivë të Policisë Rrugore dhe ekspertë të qarkullimit, të cilët po punojnë për të dokumentuar rrethanat e aksidentit dhe për të përcaktuar shkaqet e tij./abcnews.al