Gjyqtarja e Gjykatës Kushtetuese në Shqipëri, Elsa Toska, ka dhënë sot dorëheqje nga detyra.
A2 CNN raporton se ka mësuar që Toska i ka paraqitur dorëheqjen kryetares së Kushtetueses, Holta Zaçaj dhe se ka sqaruar se motivacioni lidhet me arsye personale të saj.
Me largimin e Toskës, Gjykata Kushtetuese mbetet me 8 anëtarë nga 9 që duhet të ketë në organikë për të funksionuar normalisht.
Elsa Toska u bë pjesë e Gjykatës Kushtetuese në nëntor të vitit 2019, ku emri i saj u votua në Kuvend me 105 vota pro dhe 2 kundër.
Gjyqtarja ka një CV të pasur dhe pas kalimit të vettingut, pasi ka qenë Këshilltare ligjore prej 12 vjetësh në Gjykatën Kushtetuese.
Më 12 shkurt të këtij viti, Toska kaloi me sukses vettingun duke u konfirmuar në detyrë. / A2 Televizion
●●●
EVSHKRIMI NGA
E V
Editorial nga Klan Kosova — ndjek lajme dhe zhvillimet e tjera kryesore të vendit.
