Shpezët e Kosovës prezantohen para botës nëpërmjet pullave postare

Me rastin e Ditës së Evropës, ‘Filatelia e Postës së Kosovës’ ka lëshuar në qarkullim të rregullt emisionin e pullave postare të titulluar “Evropa 2019 - Zogjtë nacionalë”. Në kuadër të këtij emisioni të pullave postare, Posta ka prezantuar Turtullin (Turtle dove), Mëllenja e Gurit, Bishtlëkundësi i verdhë, Huta (Buteo Buteo), Larashi Kurrizkuq, transmeton Klan Kosova. "Ndonëse Kosova është një vend i vogël, shquhet për një biodiversitet të pasur. Pozita gjeografike, faktorët gjeologjik, pedologjik, hidrologjik, relievi dhe klima, janë disa prej faktorëve që kanë mundësuar krijimin e habitateve natyrore si të ‘Bjeshkëve të Nemuna’ dhe ‘Malet e Sharrit’ që ofrojnë vendstrehim për shumë lloje të shpendëve". "Deri më sot janë vrojtuar 148 lloje, por mendohet të ketë mbi 200 lloje. Mbrojtja e tyre ka karakter internacional, për këtë arsye ‘Bjeshkët e Nemuna’ janë të evidencuara në listat ndërkombëtare si IBA rajon (Important Bird Area). Posta e Kosovës përmes këtyre dy pullave postare me pamje të zogjve më karakteristik të Kosovës, prezanton para botës bukuritë natyrore të faunës, si dhe promovon shtetësinë së saj", thuhet në njoftimin e postës.

klankosova.tv