Shpërthimi i Ebolës në RD Kongo mund të jetë më i keqi ndonjëherë

Kreu i Qendrave të Afrikës për Kontrollin dhe Parandalimin e Sëmundjeve paralajmëroi se shpërthimi i Ebolës në Kongo mund të jetë më i keqi ndonjëherë.

Më shumë se 830 raste të llojit të rrallë Bundibugyo, për të cilin nuk ka trajtim ose vaksinë të provuar, janë konfirmuar në Kongo, 196 prej tyre fatale, shkruan CNN, raporton klankosova.tv. Sëmundja, e transmetuar përmes lëngjeve të trupit edhe pas vdekjes, po përhapet me shpejtësi në tre provinca në Republikën Demokratike të Kongos, tregojnë të dhënat qeveritare.

“Nëse nuk e ndalojmë shpërthimin shumë shpejt, do të jetë më keq se ajo që patëm në Afrikën Perëndimore dhe RDK-në lindore”, tha Drejtori i Përgjithshëm i CDC-së për Afrikën, Jean Kaseya, në një takim virtual të krerëve të shteteve afrikane dhe donatorëve në Burundi.