Lajmet e fundit
Autoritetet po hetojnë një lidhje mes shpërthimit të një Cybertruck në Las Vegas dhe sulmit terrorist në New Orleans.
Në Las Vegas, automjeti shpërtheu në hyrje të hotelit "Trump Tower", duke shkaktuar vdekjen e shoferit dhe plagosjen e shtatë personave.
"The Telegraph" raporton se, shpërthimi ndodhi pasi automjeti ndaloi në hyrje të hotelit dhe u përfshi nga flakët, me zhurma të fuqishme dhe shpërthime të njëpasnjëshme, transmeton Klankosova.tv.
Në pjesën e pasme të automjetit u gjetën fishekzjarrë dhe kanistra me lëndë djegëse, të cilat besohet se shkaktuan shpërthimin.
Automjeti ishte marrë me qira përmes aplikacionit "Turo", aplikacion që ishte përdorur edhe nga terroristi i New Orleans, Shamsud-Din Jabbar, që vrau 15 persona me një kamion.
Autoritetet po shqyrtojnë nëse dy ngjarjet lidhen mes vete përmes përvojës ushtarake të të dyshuarve të dy raste.
Elon Musk konfirmoi se shpërthimi nuk kishte lidhje me automjetin "Tesla", por me lëndët shpërthyese të vendosura në të.
Hetimet vazhdojnë për të përcaktuar motivet dhe lidhjet mes dy incidenteve. /Klankosova.tv
